Зачувување

Зачувување на вредностите на наследството

Можеби звучи тешко и неразбирливо за тоа како да се зачуваат вредностите на наследството. Следниот пример за значаен споменик на Охрид има за цел да воведе некои суштински аспекти на зачувувањето на една градба. Може ли истото да се примени на археолошки локалитет или природно наоѓалиште?

Света Богородица Перивлепта

Културно и Архитектонско Наследство на Светот

Црквата на Св. Богородица Перивлепта е посветена на Божјата Мајка. Изградена е во 1295 година, а фреските што ги насликале Михајло и Евтихиј претставуваат најраниот пример за ренесансната уметност во Европа. Таа е една од многу добро сочуваните цркви од тоа време (13 век).

За време на Отоманската империја, коските и моштите на Свети Климент биле пренесени во рамките на оваа црква. Затоа е наречена и Свети Климент. Во 2002 година, тие беа пренесени назад во првобитната црква Свети Пантелејмон на Плаошник.

Посетете ја 360° виртуелната тура внатре во црквата за да ги разберете структурните и архитектонските елементи и интервенциите што му помогнале на градбата да остане во добра форма и да ги зачува своите внатрешни, претежно уметнички вредности.

Фрескоживопис и уметничко значење

Фреските што ги насликаа Михајло и Евтихиј ги имаат сите елементи на ренесансната уметност, освен перспективата. Дали знаете што значи тоа? Погледнете ги фреските на црквата и споредете ги со ренесансните слики (видете подолу):

• Што е главната разлика помеѓу фрескоживописот во Перивлепта и двете ренесансни слики? Што значи перспектива во уметноста?

На сликата “Оплакување”, види погоре, која се наоѓа во Капелата Скровењи и датира од 1305 година, покасно од Црквата Св. Богородица Перивлепта (1295) и Црквата Свети Пантелејмон (1164) во Горно Нерези. Интересен факт е дека во црквата Свети Пантелејмон во Нерези е пронајдена претходна фреска слика “Оплакување”:

• Дали сега ги разбирате разликите помеѓу двете слики „Оплакување“? Која од нив подобро го изразува атрибутот перспектива?
• Кои чувства ги набљудувате кај фигурите на првата слика, а кои кај втората?

Фигурите насликани од Михаил и Евтихиј во црквата Перивлепта не го претставуваат традиционалниот Византиски начин. На традиционален Византиски начин, фигурите се слаби, без емоции и со мислите лутаат некаде. Во оваа црква, фигурите се претставени како здрави, буцкасти млади момчиња со црвени образи. Михаил и Евтихиј ја развија традиционалната Византиска уметност.

• Дали забележавте ваков вид на здрави фигури во црквата Перивлептос ? Ако не, погледнете повторно во црквата.

Активност

Друг важен аспект на оваа црква е што овие двајца сликари, Михаил и Евтихиј, ги оставија своите потписи на нивните слики, скриени низ разни симболики. Еден од нив е претставен преку двајцата свети воини на предните столбови, со нивните мечови и облека. Можете ли да идентификувате други слики во црквата што можат да сокријат такви симболи? Не е целосно истражено какви би можеле да бидат…

Однесувајте се како „детектив“. Прашајте археолог за постапките што треба да ги следите за да ги разоткриете скриените симболи на овие цркви.